Timmisartuussinissat putsumit taamaatiinnarneqartut kinguartoorlutilluunniit

Sinerissami angalasussat aamma Kangerlussuup Københavnillu akornanni angalasussat tamarmik eqqorneqassapput, Air Greenland naliliivoq.
Assi © : Camilla Dam/KNR
Allattoq Christine Hyldal
aggustip 05-at 2019 11:47
Nutserisoq Per Rosing

Ullumi timmisartukkut angalanissat amerlanersaat sinerissap annersaani pujornera peqqutigalugu kinguaattoorfiullutillu ilaat unitsiinnarneqassapput.

Tusagassiuutinut nalunaarummi Air Greenland taama allappoq.

Sinerissami aamma Kangerlussuup Københavnillu akornanni angalasussat tamarmik eqqorneqassasut suliffeqarfiup ilimagaa.   

Timmisartuussinissat nutaat inissititerneqaleruttorput, angalasussat eqqorneqartut tamarmik allamut ilaanissaminnut inissinneqassammata, Air Greenland nalunaarpoq. Angalanissamut pilersaarut nutaaq ualip ingerlanerani nassiunneqassasoq angalasussat ilimagineqassavaat.  

Angalanissamut pilersaarut nutaaq pillugu apeqqutissaqaraanni Air Greenlandip sullitanut kiffartuussivia uunga sianerluni saaffigineqarsinnaavoq 70 12 12, imaluunniit angalatitsivimmut billettimik pisiffimmut saaffiginnilluni.