Air Greenland sinneqartoorpoq
Suliffeqarfissuaq Air Greenland 2010-mi akileraarutit sioqqullugit 62,5 millioner koruuninik sinneqartoorpoq. Akileraarutit peereerlugit 41,1 mio.kr.-sunik. Ukiumut siulianut sanilliullugit qaffariaat 9,7 million koruunit. aamma 4,3 million koruunit.
Allattoq Jaaku Lyberth
marsip 11-at 2011 06:41
Air Greenlandimi siulersuisut angusat naammagisimaarpaat. Sinneqartoornermut pingaaruteqarnerpaat ilagaat attartortitsinermi immikkoortortaq, uuliasiornermik aatsitassarsiornermillu misissuinerni sullissinermigut isertitaqarluarsimasoq.
Ilaasut, allakkat aamma nassiussat ataatsimut 2009-misulli inissisimapput, unammillerneqarnerlu annertusiartortoq eqqarsaatigalugu aamma tamanna Air Greenlandimit naammagisimaarneqarpoq.
Ingerlatsivimmi pingaarnermi akissarsianut aningaasartuutit 18,5 million koruuninik ikileriarput, ilaatigut makku pissutaallutik, Boeing 757-ip Kunuunnguup atorunnaarnera aammalu tuniniaanermut allaffiit Grønlands Rejsebureau-mit tiguneqarneri.
