Air Greenland suliumajunnaartoqarneranik eqqugaasoq
Suliffeqarfimmi Air Greenlandimik sullissisumi suliumajunnaartoqarnera pissutaalluni Air Greenlandip timmisartorsuani ilaasut nerisassanik akunnittarfimmeersunik sassaalliiffigineqassapput.
Allattoq Mads Pedersen
Gate Gourmet-imi, Air Greenlandip Imarpik qulaallugu timmisartuanut nerisassanik pilersuisuusumi, sulisut suliumajunnaarsimasut, Air Greenland Facebookkimini allappoq. Taamaattoqarneralu ima kinguneqarpoq:
- Københavnimiit ilaasugut timmisartumi sandwich-inik sassaallerfigineqarsinnaapput. Kangerlussuarmiit Københavnimut ilaasussagut Hotel Kangerlussuarmiit nerisassanik nillertunik sassaallerfigineqassapput, Air Greenland allappoq, taamaakkaluartorlu ilaasussagut angalalluarumaartut neriuutigaat.