Air Greenland annertunerusumik sinneqartooruteqarpoq
Kiffartuussinissamut isumaqatigiissutit annaaneqarneri 2017-imi kaaviaartitat 1.304 millionit koruuninut apparnerannut tunngaviupput.
Taamaakkaluartorli akileraannginnermi sinneqartoorutit 2016-imi 40 millionit koruuniusut 71 millionit koruuninut qaffapput.
- 2017-imi kaaviiaartitagut ilaasullu amerlassutsimikkut ikilerialaarput, taakkuli kiffartuussinissamut isumaqatigiissutinut annaasatsitut amerlatiginngillat. Tamatuma peqatigisaanik issiaviit kilometerimut tunisagut amerlanerusimasut aammalu angallaviit isorartussusaat agguaqatigiissillugit annertusisimasut takusinnaavarput. Sullitanik nutaanik pileritsatsitsisimasinnaasugut, sullitallu taakku isorartunerusumut angalasarsimasut tamatumani uatsinnut takutinneqarpoq - tamanna 2017-imi naammaginartumik angusaqarnissamut qulakkeerisimavoq, pisortaaneq, Jacob Nitter Sørensen oqarpoq.
2017-imi Air Greenland angallavinni unammilleqatigiiffiusuni, nunanut allanut angallaviusuni tamani 6 procentinik siuariarpoq.
AAMMA ATUARUK SAS-ip Air Greenlandimut piginneqataassutsini tunerusukkaa
Siuariaatit 73 procentii Kangerlussuup Københavnillu akornanni aallartarnernit pisuupput, siuaariaatillu 27 procentii nunatta Islandillu akornanni angallavinnit pisuusut, timmisartuutileqatigiiffik tusagassiuutinut allappoq.
- 2017-imi mimatta Islandillu akornanni ukioq kaajallallugu timmisartuussisarneq aallartipparput, tamatumalu peqatigisaanik timmisartuussisarnerit amerlillugit. Islandimi niuerfik ataatsimut isigalugu appariarfiugaluartoq tamanna pitsaasuuvoq, Søren Lennert Mortensen allappoq.
AAMMA ATUARUK Air Greenland skal ejes helt af Grønland
