Air Greenland aamma Disko Line isumaqatigiittoqarsimaneranik pasilliineq ilumuunnginnerarpaat

Air Greenland aamma Disko Line suleqatigiillutik Aluu Airlinesimit isumaqatigiissuteqarsimaneragaanertik   ilumuunnginerarpaat, aviisi Sermitsiaq taama allaaserisaqarpoq.

Timmisartuutileqatigiiffiup Aluu Airlinesip  Air Greenland Disko Linelu pasillerpai kiffartuussinissamut isumaqatigiissutinut atatillugu suleqatigiissimasut, tamannalu pillugu Aluu Airlines  Unammilleqatigiinnermut aqutsisoqarfimmut saaffiginnippoq   suleqatigiiffiliortoqarsimaneranik pasitsaassaqarneq misissoqqullugu.

AAMMA ATUARUK Air Greenland Disko Linelu niuernikkut isumaqatigiissimasutut Aluu Airlinesip pasillerai

Tamanna eqqunngilaq, Air Greenland aamma Disko Line oqarput.

Air Greenlandimi direktørip Michael Højgaardip aviisimi nassuiarpaa,   Disko Line qulimiguulinnik angallassisarnissaminik neqerooruteqarsimasoq soorlu piginneqatigiiffiit aallat aamma taamaaliorsinnaasut.

Disko Linemik piginittup Jørgen Søvlsten Nielsenip oqarnera naapertorlugu,  Disko Line Danmarkimi  suliffeqarfinnik qulimiguuliutilinnik arlaqartunik  attaveqarsimallutik   taakkuali Kalaallit Nunaanni timmisartuussisarnissaminnik soqutiginnissimanngitsut.

- Maannamut Air Greenlandip suliassaq suliarisimavaa.   Atortussaqarlutillu aningaasassaqarput. Taamaattumik takku qulimiguulimmik angalassinermi akinik qinnuigisimavagut, Taamanikkut Aluu Airlines naatsorsuutinik saqqummiussisisimananilu qulimiguuliuteqanngilaq taamaattuik aperiniarsimanngilagut, taakkuli aamma saaffigisimanngilaatigut, Jørgen Søvlsten Nielsen aviisimi sermitsiaq taama oqaluttuarpoq.

AAMMA ATUARUK Disko Line opruster