Inatsisartut Aningaasaqarnermut ataatsimiititaliaata
Namminersorlutik Oqartussat Arctic Green Foodimik
2009-mi sullissineq pillugu isumaqatigiissuteqarnissaat.
Isumaqatigiissut ukiup sinneranut 7,5 milliuuninik nale-
qarpoq.
Taamaasilluni Attumi, Ikamiuni, Qaanaami, Savissivimmi,
Illoqqortoormiuni, Qassimiuni, Kangerlussuarmi Napasumilu
tunisassiorfiit ammaannarsinnaanngorput.
Arctic Green Foodimi siulersuisut siulittaasuat Charles
Castberg Christensen ima oqarpoq:
- Sullissinissamut isumaqatigiissut pinngitsoorani Arctic
Green Foodimut ajunaarutaassaaq, tassa nalikilliliinernut
nutarterinermullu aningaasaliissutissanut matussutissar-
taqanngilaq. Qujanartumilli Arctic Green Foodip aningaa-
saqarnikkut inissisimanera pitsaavoq, tassami akiligassa-
qanngilavut. Taamaammat naatsorsuuserisutsinnik isuma-
siueqqaarluta piginneqartigiiffiup aktiatigut aningaasaataan-
nit ajunaarutissat matuneqarsinnaapput.
Maannakkorpiaq tunisassiorfinni pitsaanngorsaalluni iluar-
saassisoqarpoq aammalu nioqqutissianik inerisaaneq sulia-
rineqalersussaavoq. Arctic Green Food Nunatta iluani
inuussutissanik tunisassiornermi saniatigut Europamut saarul-
linnik tarajortikkanik, nipisat suaannik umimmaallu neqaan-
nik tunisaqarnermik aningaasarsiuteqarpoq,Charles Castberg Christensen oqarpoq, nangillunilu:
- Nioqqutissiornerup ingerlanneqarneranut pilersaarusiorne-
ranullu amerlasoorujussuarnik aningaasartuuteqartarpugut,
tamakkualu atuutsillugit Namminersorlutik Oqartussanut
sullissinermik isumaqatigiissuteqartarnerit arlaatigut
pisariaqartuassapput.
Inatsisartut Aningaasaqarneq pillugu Ataatsimiititaata piuma-
saraa Arctic Green Foodip aningaasatigut natsorsuinermilu
ilaani aalajangiivigisimasaa pillugu nassuiaateqassasoq.
Tamatumalu naammassineqarnissaa piginneqatigiiffiup
siulersuisuini siulittaasup neriorsuutigaa.