Afrikami anorersuarujussuarnerani ajunaarsimasunik nassaaqqittoqarnissaa aarleqqutigineqartoq
Anorersuarujussuup Freddymik taaguuteqartinneqartup Afrikami nunat Malawi aamma Mozambique sapaatit akunnerata naanerani aqqusaarmagit inuit 200-nit ikinnerunngitsut ajunaarput.
Annaassiniartartut aseruatiterfiusuni ujaasinerminni ajunaarsimasunik nassaaqqinnissartik aarleqqutigaat.
Allattoq Ritzau
marsip 15-at 2023 12:48
Nutserisoq Jaaku Lyberth
Anorersuarujussuup Freddymik taaguuteqartinneqartup Afrikami nunat Malawi aamma Mozambique aqqusaarmagit ajunaarsimasutut nalunaarsorneqartut 200-t sinneraat ippassaq marlunngornermi nalunaarutigineqarpoq.
Anorersuarujussuup Freddyp Afrika sapaatit akunnerisa pingasut ingerlaneranni aappassaanik Afrika sapaatit akunnerta naanerani aqqusaarmagu qarsutsisoqarmat nunalu annikitsumik sisummat Afrikamilu aatsaat taama pisoqarpoq.
Annaassiniartartut aseruatiterfiusuni ujaasinerminni ajunaarsimasunik nassaaqqinnissartik aarleqqutigaat annassimasunillu nassaarnissartik ilimaginagu.
Inuit 190-it sinneqartut ajunaartut, 584-it ajoqusertut 37-illu maqaasineqartut, Malawimi naalakkersuisut oqarput.
Inuit 20-t Mozambiquemi ajunaarput 24-llu ajoquserlutik.
