Mozambique: Kiattup anorersua Kenneth pissutigalugu inuit 30.000-it qimagussortinneqartut
Afrikkami Mozambiquep sineriaata avannaatungaani Cabo Delgadomi kiattuap anorersua Kenneth annguppoq inuillu 30.000-it qimagussorneqarlutik.
Inuit pingasut ajunaarsimasut nalunaarutigineqartoq, dr.dk allaaserisaqarpoq.
Kiattup anorersua akunnermut 220 kilomiiterinik sakkutigivoq.
Kiattup anorersuata taama sakkortutigaluni takkusimaarnera aatsaat taama sakkortutigisoq, BBC allaaserisaqarpoq.
Mozambiquemilu sillimaniarnermut suliallit nalunaarutigaat, inuit 30.000-it qimagussorneqareersimasut.
Anorersuarujussuarnerani mallit 5 miiterinik portutigisimasut, franskit silasiorfiat, Meteo-France taama nalunaaruteqartoq, AFP allaaserisaqarpoq.
Kiattulli anorersua Kenneth qasukkariartulissaaq taamaattoq ulluni tulliuttuni siallingaatsiarnissaa ilisimasaarutigineqartoq, Naalagaaffiit peqatigiit tamat inuussutissaqarnissaannik pilersaarusiortui taama nalunaaruteqarput.
