Biilinut innaallagiartortunut innaalagiamullu nuuttartunut akitsuutit allanngortinnissaat nalorninartoq

Inatsisartulli akitsuutit pillugit suliaqaqqinnissaat allatorluinnaq isikkoqarsinnaavoq.

Naalakkersuisooqatigiimmi ikorfartortaasut Demokraatit biilit innaallagiatortut, brintitortut hybridillu akitsuusersorneqarnissaat iluarinngilaat.

- Biilit akitsuuserneqannginnerat pissutigalugu pisisoqartarpoq, innuttaasullu salloqittarnerattut ipajaarpoq, Demokraatit siulittaasuat, Niels Thomsen Inatsisartuni oqarpoq.

Akitsuutit siunnersuutini taamaatiinnarneqanngippata siunnersuut itigartitsissutigineqartariaqartoq Demokraatit isumaqarput. Naalakkersuisut akitsuutinik atulersitsiniarunik ataatsimiinnermi immikkoortuni siullerni Demokraatiunngitsunik amerlanerussuteqartitsisussarsiortariaqassaapput.

Inuit Ataqatigiilli periarfissaarpasinngillat. Partiimmi akitsuusiinnginnerup atorunnaarsinnissaa kissaatiginngilaa, biilimmi avatangiisinut mingutsitsinnginnerummata.

Taamaalilluni Naalakkersuisut akitsuutit atuutilersinneqarnissaannut amerlanerussuteqassagunik naalakkersuisooqataajunnaarsimasut, tassa Partii Naleraq kisiat periarfissaraat.

Partiip ilaasortaata, Pele Brobergip, aningaasaqarnermut naalakkersuisuunermini taanna siunnersuutigaa.

Siunnersuut oktobarip 25-ani aappassaaneerneqassaaq.