ACR Igloo Mountainilu suleqatigiilerput
Arctic Circle Race aamma Igloo Mountain ApS nunarsuarmi ujakkaarnerit sakkortunersaata ukiut 14-issaa ingerlanneqarnissaanut suleqatigiinnissamik isumaqatigiissuteqarput.
- ACR-ip ukiut 14-issaa ukioq manna ingerlanneqarnissaani suliassat, soorlu ingerlaarfissap 160 km-iusup aqqusiornissaa, unnuiffissami (CAMP-imi) atortuutit, tupersuit, atortullu allarpassuit isumaginissaat, snescooterinik assartuinerit, ingerlaarfissani imerfiit isumaginissaat allarpassuillu Igloo Mountainip isumagissavai, ACR-ip siulersuisuisa siulittaasuat Jens Klaus Lennert aamma Igloo Mountain ApS-ip pisortaanera Laarseeraq Skifte nalunaarput.
Igloo Mountainip suliniutit takornariaqarnermut atasut aalajangersimasut suliaralugit aallartereerpai, ilaatigullu ukiortaamit Qeqqata Kommuunianit Sisimiuni sisorariartarfk pisiaralugu ingerlatilerlugu.
Laarseeraq Skifte ACR-imik aamma aallarniisuusoq ukiullu qulit kingulliit siulliit siulittaasuusimasoq nuannaaqaluni oqarpoq, ACR-ip ukioq manna ingerlanissaa pitsaasumik isumannaatsumillu ingerlanneqassasoq.
- Igloo Mountain atortutigut piareersarluarpoq naak aatsaat suliffeqarfik 1. december 2009-imi namminersorluni aallartikkaluartoq, oqarpoq.
ACR-mi suleqatigiit aningaasaliisullu, soorlu Qeqqata Kommunia, siulersuisut nuannaarutigaat, nunarsuarmi ujakkaarnerit sakkortunersaat suleqatigiilluarnikkut piviusunngorsinnaasarmat, minnerunngitsumillu aningaasarsiaqanngikkaluarlutik ikiuuttartorpassuarnut kamissuseqartitsiuarmat.