Aatsitassarsiorneq siunnersortit isumalluarfigaat
Umiarsualiviit aqquserngillu pisariaqassapput aatsitassarsiorneq aallartilluarpat. Assersuutigalugu Arctic Base Supply pilersaarusiulereerpoq Aasianni umiarsualiviliorniarluni.
Qallunaat sanaartornermi suliffeqarfiutaat MT Højgaard ilimasuppoq 2011-mi aatsitassarsiorluni sulineq nunatsinni annertuseriangaatsiarumaartoq aqqutillu suliarinissaanni peqataanissaminnut piareersalerlutik.
Maanna COWI aamma ilannguppoq siunnersortitut suliassiissutinik pissarseqataarusuttunut. Nuummi allaffeqarfimmik ammaapput siornatigut Nuup kommuniani pisortaq Kim Hvistendahl allaffimmi pisortarissallugu. COWI nunatsinni suliani assigiinngitsuni 400-ni peqataasareerpoq.
- Ukiorpassuarni Kalaallit Nunaanni suliaqartarsimanerup saniatigut COWIp assorsuaq iluaqutigaa Norgemi Sverigemilu suliffeqarfiuteqarneq. Taakku aqqutigalugu ikiortigisinnaavagut sulisut issittumi sulinermi immikkut piumasaqaateqarfiusartumi sungiussisimasut, COWI-mi nunap immikkoortuani pisortaq Torben Søgaard Jensen taama oqarpoq.