Aatsitassarsiorfik : Killavaat Alannguani mingutitsisoqarnavianngilaq
Pilersaarut nunaqavissunut ukiunut arlaqartunut suliffissaqartitsisussaavoq, aatsitassarsiorfissaq piviusunngortinneqarsinnaavoq avatangiisinut uumasunut naatitanut inunnullu ajoqusiisussaanngitsoq, Australiamiut aatsitassasiorfiannik Tanbreez-imik piginittut taama neriorsiupput, danskit suliffeqarfiutaata M. T. Højgaard-ip piaaffissatut pilersaarutigineqartup avatangiisianik nalilersuinerata kingorna.
- Misissuinerpassuit suliarereerpagut avatangiisinullu ajoqusiinavianngitsoq mississuinerit takutippaat, australiamiut aatsitassarsiorfiannik Tanbreez-imik piginnittoq Greg Barnes oqarpoq.
Aatsitassarsiorfiup pingaarnertut ujartugaraa aatsitassaq eudialyt aatsitassaq taanna aatsitassanik qaqugitoortunik akoqarpoq.
Aatsitassat Killavaat alannguaniittut piiarneqarsinnaapput qinngualanernik ulorinanartulinnik annertunngitsunik peqqinnissamut avatangiisinullu ulorianaataanngitsunik Greg Barnes oqarpoq
Qaqqami tassani radiup qinngualanerinik ulorianartunik annikitsuinnarmik peqarpoq, qinngualanerit ulorianartut taakkua inuup timaani aamma pigineqartut assigiinnarai Greg Barnes oqarpoq.
Uran Kuannersuarniippoq, Greg Barnes oqarpoq.
Australiamiut aatsitassarsiorfiutaannik pigittup Killavaat Alannguani savimissamik 4,3 milliarder tons-inik peqatassangatippaa.
Saviminissaq 500.000 tons ukiumut piaarneqartarnissaa pilersaarutaavoq, suliffissanillu ukiuni amerlasuuni suliassaqartitsissaaq.
Aatsitassanik piaaffissap sanaartorneqarnerani sulisunik 30 - 40nik pisariaqartitsisoqassaaq, aatsitassarsiornermullu atatillugu illunik aqqusinernernillu sanaartornermi sulisartut 120it 140it atorfissaqartinneqassaput.
Aatsitassanik piianeq aallartippat, piaanermik suliaqartut aalajangersimasut 80it sulisorisorineqarnissaat pisariaqartinneqassasoq, Greg Barnes oqarpoq, taakkualu nunaqavissuussaasut Greg Barnes-ip qulakkeerlugu oqatigaa.
Nunaqavissut sulisorineqarnissaannut pissutaavoq aningaasarsiornikkut tamanna iluaqutaassammat.
Assersuutigalugu Kina-miunik sulisartunik atorfinititsigutta taakkua ukiut marluk sulereerunik Kina-mut utertussaaput.
Nunaqavissunik atorfinititsigutta taakkua aatsitassarsiorfimmi sulilernissamut ilinniartinneqarnerannut piffissaq sivisunerusoq atorneqarneqassaaq, taakkualua assersuutigalugu ukiuni 20ni sulisorineqarnerunik iluanaarnarnerussaaq ukiuni marlunni sulisorineqarneraniit, Greg Barnes oqarpoq.
Australiamiut aatsitassarsiorfiat Tanbreez Killavaat Alanngua-ni pilersaarutit pillugit paasisitsiniaavoq. Unnugu arfineq marlunut Nuummi Ilisimatusarfimmi paasissutissiisoqassaq, soqutiginnittut aggersinnnaallutik.
Aatsitassarsiorfiup Killaavaat Alannguani savininissamik piianissamut qinnuteqaataata , 28 febuar piareernissaa naatsorsuugineqarpoq.
