Aatsitassanik piiaaffissat pillugit innuttaasut ataatsimiitinneqarnialerput
Ulluni ukunani True North Gems paasissutissiissamaarpoq:
Ataasinngorneq 12. august nal. 19:30 Qeqertarsuatsiaat, Katersortarfik
Marlunngorneq 13. august nal. 19:30 Paamiut, Katersortarfik
Sisamangorneq 15. august nal. 19:30 Nuuk, Katersortarfik
-Tassa kinaluunniit sumilluunniit apeqqutissaqaruni ataatsimiisitsinerni apeqquteqarsinnaatitaassaaq, tassa piiaaffissaq pillugu, imaluunniit suliffissaqalernissamut qanoq periarfissaqartiginersoq apeqqutillu allat ataatsimiisitsinerni apeqqutigineqartarsinnaassallutik. Tassa Namminersorlutik Oqartussat ataanni Aatsitassanik Naalakkersuisoqarfiup pisortatigoortumik innuttaasunik tusarniaatitsinissaat sioqqullugu uagut namminneerluta innuttaasunik ataatsimiisitsitsiniarpugut, Bent Olsvig Jensen, True North Gems Greenland-imi pisortaasoq taama nassuiaavoq.
Aatsitassaqarnermut Naalakkersuisoqarfiup innuttaasunik ataatsimiisitsitsinissaat inissitassat kingulliit inissereeriarunikkit qaqugu pissanersoq www.naalakkersuisut.glaqqutigalugu namminneerlutik tusarliukkumaarpaat, inatsisillu naapertorlugit tusarniaasitsinissat imarisai pillugit kalaallisut qallunaatut tuluttullu allanneqarsimasut quppernermi tassanerpiaq atuarneqarsinnaallutittaaq.