Aatsaat taamak siallertigisoq: Juunimi juulimilu taamak siallertiginikuunngitsoq
Ukioq manna siallenerujussua aatsaat taamak siallertigineqaranik kinguneqarpoq.
Nuummi Qaqortumilu uuttortaasoqartalerneraniit juunimi juulimilu aatsaat taamak siallertigisoq, DMI-imi silasiortoq, John Cappelin oqarpoq.
- Aasaq manna sialleqattaartorujussuuvoq, taanna oqarpoq.
Aatsaat taama siallertigisoq
DMI-imi silasiortup, John Cappelinnip Qaqortumi Nuummilu silap qanoq innera taama oqaluttuaraa. Tamannalumi ilumoorsimassaaq. DMI Nuummi 1890-imiit misissuisalerpoq, Qaqortumilu 1961-imiit misissuisalerluni.
Nuummi Qaqortumilu ukiuni siuliini juunip juulillu qaammataani taamak siallertiginikuunngilaq.
Nuummi 295 mm-inik Qaqortumilu 230 mm-inik aasaq manna siallerpoq.
Tamannalu tupinnartorujussuusoq, John Cappelin oqaluttuarpoq.
- Aatsaat taamak sialoqartigaaq, taamaammat sialleqattaartorujussuuvoq!
AAMMA ATUARUK Nunatta ilaani aatsaat taama kiatsigimmat sermeq milliardikkuutaartunik oqimaatsigisoq aattoq
Qaqortumi ulloq ataaseq aalajangersimasoq aamma siallingaatsiarpoq:
- Ullormi ataatsimi, tassa juunip 23-anni 145 mm angullugit siallerpoq.
Qanorliuna taamarsuaq siallersinnaasoq?
- Silaannaq taamak iligaangat naqqitsiniisaffippassuit takkusimaartarput, siallertitserujussuarlutillu. Piffisap ilaani sialoqarujussuartarnera piffissamilu allami panernerusarnera nalinginnaasuuvoq.
Tamanna silaannaap kissatsikkiartorneraneersinnaava?
- Assigiinngilaq. Nunarsuulli silaannaata kissakkiartuinnavinnera ilumoorpoq, tamassuma malitsigisaanik silaannaq imermik imaqarneruleraluttuinnarsinnaavoq.
John Cappelin oqarpoq, itisiliivorlu:
- Assigiinngitsuupput. Nalinginnaasoqarpoq aammali tamakkua ilaat silaannaap kissatsikkiartorneraneersuupput, tamannalu sialummut kissassusermullu atuuppoq.
Tunumi 23,4 gradimik kiattoq
Aatsaat taamak siallertigiinnanngilaq. Tunumi aamma nalinginnaanngitsumik kiappoq.
Mittarfeqarfimmi Ittoqqortoormiit eqqaniittumi Nerlerit Inaanni juulip 29-ani 23,4 gradinik kiappoq.
Danmarkshavnimi, Daneborgimi Ittoqqortoormiinilu kiassutsip ukioq manna agguaqatigiisinnera ukiunut siuliinut sanilliullugu aamma kianneruvoq.