Aasivissuit-Nipisat UNESCO-p allattorsimaffianiilersoq
UNESCO-p nunarsuarmi kingornussassatut Aasivissuit - Nipisat allattorsimaffianiilersimasoq Ilinniartitaanermut, Kultureqarnermut, Ilageeqarnermuulu Naalakkersuisoqarfiup arfininngornermi nalunaarutigaa.
Naalakkersuisut Qeqqata Kommuanialu Danmarkimilu Slots- og Kulturstyrelsenillu ukiuni arlalinni sulissutigereeraallu maanna iluatsittoq nalunaarutigineqarpoq.
Taamaalilluni Aasivissuit - Nipisat, Kujataa Ilulissallu eeqqaaniittoq Sermermiut assigalugit nunarsuarmi kingornussassatut allattorsimaffimmiilerpoq.
Aasivissuit-Nipisat Sisimiut eqqaanit Kangerlussuup eqqaanut sermersuaq tikillugu siammasitsigaaq. Ukiut 2500-t kristusip inunngornera sioqqulluguli inoqareersimasup uppernarsisippaa pinngortitamik atorluaasimanermik. Illukut takutippaattaaq nunasiaalernerup nalaani 1700-kkunni nunap inuii inooqatigisarsimagaat.
Sumiiffik ullumikkut aavarfittut atorneqarpoq, tupersuaqarfikullu suli atugarineqarlutik, taamaalilluni siulinik kingornussat atorluarneqarput.