Aasianni suliffissarsiortutut nalunaarsorsimasueruppoq

- Aatsaaqqinnaaq sanasunik sisamanik sulisussarsiortoq iseraluarpoq, sanasunik sulisussaateqanngilagut, Pâviâraq Jakobsen oqarpoq

Aasianni suliffissarsiortutut nalunaarsorneqartut ullumi pingasuusut suliffissaannik neqeroorfigitipput. Sulisinnaassusillit amerlassusaat 2100-it missaaniiput, Aasiannilu suliffeqarfiit aalisarnermut attuumassuteqartut amerliartornerat sulisoqarnermut sunniuteqaqataasoq, Paaviaaraq Jakobsen oqarpoq

- Suliffiit arlallit aallartinnikuupput aamma namminersortut amerlinikuupput sulisussanillu aamma atorfissaqartitsipput. Pingaarnerpaavorli una, suliffissuup raajaleriffiusup aallartinnerata malitsigisai, suliffissuarmut attuumassuteqartut suliffiit amerliartuaarusaaginnavinnikuungamik, Pâviâraq Jakobsen oqarpoq. Suliffissarsiuussisarfimmi nalunaarsueriaaseq kiisalu suliffissarsiortumik isumaqatigiissuteqarneq peqqutaallutik, suliffissarsiortut ikilisinneqartut, Paaviaaraq Jakobsenip ilimagaa.

- Pissutsit annerpaartarivaat aamma, inuit ataasiakkaarlugit pilersaarusiuunneqartaleramik. Soorlu suliffissarsiortutut nalunaariartoruit. Piffissarlu ima sivisutigisoq suliffissarsiortuuguit, taava isertinneqassaatit oqaloqatigineqarlutillu. Siunissarlu pilersaarusiorlugu. Taamaasillutik suliffissarsiortoq sullissisorlu isumaqatigiillutik atsioqatigiillutik pilersaarusiortarput, taannalu malinniarneqartarpoq, Pâviâraq Jakobsen oqarpoq.