Aasianni covid-19-imut akiuussusersuisoqartoq
Aasianni covid-19-imut akiuussutissamik kapitittoq siulleq ippassaq sapaammi kapitippoq. Tassalu Aasianni napparsimmaveqarfimmi sulisut siulliullutik kapitipput. Utoqqaallu illuanniittut ullumi ataasinngornermi kapitipput.
Lydia Sandgreen utoqqaat iluanni kapitittut siullersaraat.
AAMMA ATUARUK Akiuussutissat Qaqortuliaanneqarnissaat silarlunnera pissutigalugu kinguartittoq
Akiuussutissalersuisoqalermallu, Aasianni borgmesteri, Ane Hansen (IA), najuuppoq. Siullerlu kapitimmat nuannassimaqisut, taanna oqaluttuarpoq.
- Malunnarpoq utoqqaat persuarsiortut. Aamma utoqqaanersaat siulliukkami, 97-iniunnguatsiarpoq ukiulik, arnaq taanna siulliulluni kapitittoq aamma persuarsiorpaseqaaq., Ane Hansen oqarpoq, nangillunilu:
- Toqqissiallannarpoq inuit annilaanganerannut millisaataanissaa qularnanngimmat. Aamma ulluinnaat aallarteqqinnissaanut alloriarnertut misinnarpoq.
Illoqarfiit pingajussaat akiuussutissalersuisoq
Danmarkimiit Aasiannut akiuussutissat sapaatit akunnerata siuliani nassiunneqarput. Tassalu nunatsinni akiuussusersuinerit Nuummi, Ilulissani Aasiannilu aallartereerput. Utoqqaat illuanniittut, inuit 75-it sinnerlugit ukiullit, peqqinnissaqarfinni – utoqqaallu illuanni sulisut kiisalu inuit immikkut pisariaqartitsisut siulliullugit kapiteqqaassapput.
Sisimiuni uani sapaatip akunnerata ingerlanerani akiuussutissalersuisoqassasoq, Naalakkersuisut nalunaarutigaat.