Aasianni arnaq ikuallattoqarnerani toqungasoq nassaarineqartoq
Aasianni sisamanngornerup unnuaani, najugaqarfimmi ikuallattoqarnerani arnaq toqungasoq nassaarineqarpoq. Pisoq pillugu politiit misissuileruttorput.
Aasianni Aadarujuup Aqqusernani sisamanngornerup unnuaani ikuallattoqarmat qatserisartut aggersarneqarput.
Unnuami ataasinngoriartornerani tanneq arfineq pingasut qimalaaraa, tassa nalunaaqutaq 00:43 nalunaarut tiguneqarpoq.
AAMMA ATUARUK Paamiuni katersuiniussaq: Tuppallernaqaaq
Najugaqarfimmi arnaq toqungasoq siumorneqarpoq.
Ikuallanneq qanoq aallarnersimanersoq politiit suli oqaaseqarfigisinnaanngikkallarpaat. Tamannalu ersarinnerusumik paasisaqarfiginiarlugu, Danmarkimi politiit ikiortiserineqartut, Kalaallit Nunaanni politiit ilisimatitsipput.