Aasiaat: Angerlarsimaffimmut ujajaasoqarneranut atatillugu politiit ikioqqusut
Aasianni arfininngormat ullaassakkut nalunaaqutaq pingasut sisamallu akornanni Suulunnguup Aqquserngani angerlarsimaffimmut ujajaasoqarneranut atatillugu angut Aasianni politiinit ujaarineqarpoq.
Allattoq Jonas Fievé
marsip 22-at 2016 06:22
Nutserisoq Simon Uldum -
Ujajaasoq kalaaliuvoq aasiammiorpaluttumik oqaluttuulluni, centimeterit 175-it 180-illu akornanni angissuseqarpoq, nalinginnaasumik isikkoqarluni ukiorsiummillu "Napapijri"-mik meqqilimmik kajortumik kavaajaqarluni.
Qorsummik qalipaatilimmik kiinarpaqarpoq savissuarmillu aappalaartumik ipulimmik sakkoqarluni, inissiarlu najugaqartut sininnerini matukkut parnaaqqanngitsukkut iserterfigisimavaa.
Aasianni politiit arfininngornerup unnuaani pasinarsinnaasunik takunnissimasinnaasunik imaluunniit angerlarsimaffimmut ujajaasup kinaaneranik ilisimannittunik ujarlerput.
Aasianni politiit oqarasuaatikkut 70 14 24-kkut, ualikkullu nal. 16.00-ip kingorna 53 51 22-mut, attavigineqarsinnaapput.
