Aasaq manna nillernerusoq
Silaannaap nillertup qalasersuaq avannarlermit kujammut ingerlaarnerani nunatsinnut aqqusaartartumik tamanna peqquteqartoq DMI-mi silasiuup Klaus Larsenip nassuiaatigaa.
- Silaannaap ingerlaartarnera piffissami matumani allanngoranngilaq. Taamaammat silaannaq nillertoq Kalaallit Nunaannut ingerlaartarpoq, silaannarlu kissartoq Danmarkimut ingerlaartarluni, Klaus Larsern oqarpoq.
AAMMA ATUARUK Aasaanerani kiannerpaaffiusoq nillernerpaaffiusorlu qaangerneqartut
Sumiiffinni arlalinni putsilertarnera silaannaap nillertup imartallu kissarnerata aporaannerannit pinngortartoq silasiooq oqarpoq.
- Silaannaq qalasersuarmit avannarlermit pinngortoq Canadamit Kalaallit Nunaanullu ingerlaatarpoq. Imartap silaannarmit kissarneruna apeqqutaalluni qulisimaneranik putsilertarneranillu kinguneqartarpoq.
Aasap ingerlanerani sila allanngorartaraluarpoq, silaannaallu qalasersuarmit ingerlaartup aggerfii aamma nikerartaraluarlutik. Ukioq mannali taamaattoqanngilaq.
- Silap aasaanerani allanngorartarneranaliginnaasuugaluarpoq. Aasaq mannali allanngorarpianngilaq silalu taamaarujuuginnarluni. Sumiinneq apeqqutaalluni silarlussiorneq silagissiornerluunniit taamaarujuuginnarpoq, Klaus Larsen oqarpoq.
AAMMA ATUARUK Vejret forlænger pigdæk i det meste af landet