Aasaanerani kiannerusalernera ukiakkut anorersuarujussuartitsisassaaq
![](/sites/default/files/styles/image_934x467/public/article_images/storm_0.jpg?itok=jimFJeMi)
Nunatsinni upernaaq aasarlu aatsaat taama kiatsigivoq. Silap agguaqatigiissillugu kiassuserisartagaanit 2016-imi qaffasinnerungaatsiartoq Nunatsinni silasiorfinni 14-ini uuttortaanerit takutippaat, Danmarkimi Silasiorfiup DMI-p kisitsisinik saqqummiussaani nutaani tamanna takuneqarsinnaavoq.
Kianneruneralu ukiup sinnerani silap qanoq-innissaanut sunniuteqassaaq.
Jason Box, Naalagaaffiup Danmarkimi Nunatsinnilu Ujarassiornikkut Misissuisoqarfiani ilisimatusarnikkut professoriusoq taama oqarpoq.
- Kalaallit Nunaanni kiannerulernerata malitsigisassaata ilagaa sermit aakkiartulerpata Atlantikup avannaata imartaa nillernerulerpat anorersuarujussuit takkussimaartalernissaat.
Kalaallit Nunaata nalaani anorersuarujuttalissaaq, aammali nunarsuarmi sumiiffinni allani silamut sunniuteqassalluni, Jason Box taama isumaqarpoq.
Professori naapertorlugu, Nunatsinni upernaaq aasarlu manna silap kiassusaatigut rekordiliisoqarnera Issittumi silaannaap kianneruleriartorneranut uppernarsaatissaavoq nutaaq tatiginarluartorlu.
Tasiilami aasaanerani agguatigiissillugu kiassuseq 8,2 gradiuvoq, Tasiilamilu 1873-imi uuttortaasoqartalermalli aatsaat taama kiatsigisoq, uuttortaanerit takutippaat.
Aamma atuaruk Juulip qaammataa aatsaat taama kiatsigisoq
Aamma uutortaavinni 14-iusunit arfinilinni apriilip qaammataani aatsaat taama kiatsigisoq uuttortarneqarpoq, nikingassut annerpaaq Upernavimmiippoq,1873-imi uuttortaasoqartalermalli agguaqatigiissillugu kiassusiusartoq 8,2 gradinik tassani qaangerneqarmat.
- Silap kiannerulernera sermit aakkiartuinnarnissaannut sunniuteqassaaq, aammali aakkiartornerat maanna sukkatsissinnaavoq.
- Kingunerisinnaasaa alla tassaavoq sermit aakkiartornerisigut tangeq imaanut pisartup aalisarnermik suliffissuaqarnermut sunniuteqarsinnaanera, professori taama oqarpoq.
Aamma nunatta kujataani Narsarsuarmi nunattalu avannaarsuani Danmarkshavnimi aatsaat taama kiatsigisoq ukioq manna uutortarneqarpoq.
/ritzau/