Aappariit avataarsuanik ilisimatuut Nuummi nalliuttorsiutigineqartut

Takornariat nunatsinnut tikittartut ilaat allaanerusumik anguniagaqarlutik tikittarput - taakku ilulissanik takornarniarlutik imaluunniit ilaquttaminnut ikinngutiminnulluunniit tikeraarniarlutik maanga tikinneq ajorput.

Takornariat taakku ilagilluinnarpaat aappariit Suresh aamma Geetha Kumar. Taakku avataarsuanik ilisimatuujupput, aappaa avataarsualiartartuusimalluni. Immikkut illuinnartumik anguniagaqarlutik Nuummut perngaammik tikeraarput.

Aappariit Indiami naalagaaffiup avataarsuanik ilisimatusarfiani ilisimatuutut sulisuupput. Angalanermut ukiuni qulikkuutaani arlalinni ingerlassimaminnut atatillugu Nuuliarsimapput.

Nuummummi angalanerat Suresh Kumarip nunanik tikitaasa 100-ssaraat.

- Kalaallit Nunaat nunat tikitama 100-ssaraat, tikitammami 50-issaat tassaasimavoq Qalasersuaq kujalleq, indiamiu avataarsuanik ilisimatooq 50-it missaannik ukioqartoq oqarpoq.

80-kkut qiteqqunneraniilli qaammatit ukiumut qaammat ataaseq nunarsuarmi angalasalerpoq. Angalanerit amerlanersaanni avataarsualiartartup nuliani paninilu angalatigisimasarsimavai.

Suliniutaa inuttut ajorsartitaasutut misigisaqarnerata kingorna aallartippoq. Som ung var Suresh Kumar inuusuttuutilluni avataarsualiartartut allat pingasut peqatigalugit piukkussanit 700-nit toqqagaalluni Indiap USA suleqatigalugu avataarsuanut 1986-imi aallartitsinissaanut peqataasussaasimagaluarpoq. Avataarsualiartaatilli  Challengerip nakkarneratigut inuunermini angalanissaata pingaarnersaat unitsiinnarneqarpoq.

- Indiamiunik avataarsualiartortitsinissaq unitsinneqarpoq, Suresh Kumar nipaallisimaarluni oqaluttuarpoq.

Avataarsualiartartoq inuusuttoq isumatsassimaarnermini ajornerpaaffiani naalaffimmukarpoq. Suresh guutimit hindunut qinuvoq aallanngitsoornerminilu sumik kukkussuteqarsimanerluni apeqqutigalugu.

- Naalaffimmiitillu uannut unammillerniarlunga aalajangerpunga. Nunarsuaq tamaat angalaffiginiarlugu aalajangerpunga, indiamiu ilisimatooq oqaluttuarpoq.

Akunnittarfimmi najugaqarnissaminut akissaqanngilaq, nunamilu tikitamini najugallit sapinngisamik qanittumik misigisaqarfigerusuttarlugit. Taamaammat Malimi nunaannarmi piitsukkormiut illuaraanni ivigarsuarnik qalialimmi ilaatigut unnuisimavoq. Maannalu nulianilu inissiami nutaarsuarmi unnuisarpoq.

- Kalaallit Nunaannut tikikkatta apeqquserneqanngilagut. Inuit inussiarneqaat ikiuerusuttuullutillu. Allaanngilaq maani nunami kiffaanngissuseqa anginerusoq inuillu tamarmik ikiuerusussusermik angisuumik pigisaqartut, avataarsualiartartuusimasoq oqarpoq.

- Inuit inussiarneqaat, allaammi Kalaallit Nunaat Guutip Nunaatut taarusukkaluarpara, ilisimatooq oqarpoq, taanna aamma isumaqarpoq guuti tullermut asanninnerup assingigaa, tamannalu upperisat assigiinngitsut inuillu tamaasa pitarlugit pisartoq.

Indiami nunarsuarmi angalasoq angalasarnermini nunat nuannarinerpaasani sorliillu nuannarinagit allattortarsimavai. New Zealand nuannarinerpaavaa, tassanimi takornariat pitsaalluinnartumik tikilluaqquneqartarmata. Zambia Suresh Kumarip nuanniitsunik arlalinnik misigisaqarfigisimavaa, ilaatigut politiit peqquserluttuunerat.

Suresh Kumar isumaqarpoq Kalaallit Nunaata New Zealandip takornariartitsisarnera ilinniarfigilluarsinnaagaa.