Aappaagumut amerlanerusunik raajartassiisoqartoq
Naalakkersuisummi aalajangerpaat Kitaani raajat 90.000 tonsit aappagu pisassiissutigineqassasut, Naalakkersuisut tusagassiorfinnut nalunaaruteqarlutik taama ilisimatitsipput.
Aappaagumut raajartassat taamaalillutik ukioq manna raajartassanut 85.000 tonsiusunut naleqqiullugit 5.000 tonsinik amerlineqarput.
Aamma atuaruk EU-mut aalisagartassiissutit ikinnerussapput
Aamma atuaruk Raajarnianut nutaarsiassatsialak
Uumassusilinnik ilisimatuut siunnersuinerat taamaaliornikkut malinneqarpoq, Kitaanimi raajat 90.000 tonsit pisassiissutigineqarnissaat innersuussutigineqarmat.
Taamatut innersuussuteqarnermi raajat patajaatsumik amerliartornerat tunngavigineqartoq, Naalakkersuisut tusagassiorfinnut nalunaarummi allapput.
Tunumi raajat 5.000 tonsit pisassiissutaapput.