Aamma illit suli sinnerigaluarpit`?
Inuimmigooq sinnarissut pissutsit arlaat pissutigalugu sinnartusinnaapput.
Misissuisitsinerup atuagassiami Molecular Psychiatry-mi saqqummersinneqartup ersersippaa, inuit genimik allanngorartumik ABCC9-mik pillit inunnit genimik taamaattumik peqanngitsunit nalunaaquttap akunnerata affaanik sininnerusinnaapput.
Inuit tallimaagaangata ataaseq sinnerituujusarpoq. Tuluit Nunaanni nutaarsiassaqartitsivimmi, PA-mi, tamanna allaaserineqarpoq.
Qipiup ataaniiginnarusuttut assigiingissuteqartaqaat. Tuluit Nunaanni ministeriunerusimasoq, Margaret Thatcher, unnuat tamaasa nalunaaquttap akunnerini sisamaannarni sinissinnaasarpoq, TV-qarfissuarmili BBC-mi nutaarsiassat naapertorlugit fysikeri Albert Einstein nalunaaquttap akunnerini aqqanilinni sinikkuni qasuersimasutut aatsaat misigisarluni.
Inuit 4.000-init amerlanerit qeqertanit Orkney-meersut, Kroatiameersut, Hollandimeersut, Italiameersut, Estlandimeersut Tysklandimeersullu misissuivigineqarsimapput.
Kalaallit Nunaat misissuinermi peqataasimagaluarpat, taama aamma inernearsimassagaluarpoq. Eqqortikujuttut misissuinerup inerneranut immaqa ilisarsillutik sikisarput.
