Aallaatittup angajoqqaavi kommunip ikiorumanngilai
Benedikte Nielsenip uiatalu ernertik sapaatit akunnerini kingullerni pingasuni najortuarsimavaat.
- Annilaangasupilussuuvoq, Benedikte Nielsen DR Sydimut oqarpoq.
17-inik ukiullip niui nukillaarsimapput oqalussinnaajunnaarsimallunilu. Isiminilli attaveqarsinnaavoq assaminillu saamerlermik eqitsilaarsinnaalluni.
Angajoqqaavi tamarmik pisortanit ikiorsiissutinik pisartagaqartuupput, taamaattumillu nerisassanut, unnuinissamut angalanissammullu akissaqarnissartik ajornartorsiutigalugu.
Angajoqqaat ernermik Odense Universitetshospitalimi uninnganeranut atatillugu ikioqqullutik arlalalerialutik Esbjergip Kommunianut saaffiginnittasimagaluarput, kommunimilli itigartinneqarsimallutik.
- Kiisa nukissaarutilerpunga. Qinnuteqartuaraluarlunga itigartitaajuarpunga, Benedikte Nielsen oqarpoq.
Esbjergip Kommunia DR-imut ima nassuiaateqarpoq:
Aningaasartuutit naleqquttuullutillu pisariaqavissortuusariaqarput, matumanilu aningaasartuutigineqartut taamaanngillat, Esbjeg Kommunimi isumaginninnermut ataatsimiititaliami siulittaasoq, Henrik Vallø, oqarpoq.