Aalisartut Sisimiut eqqaani sikumit nikeriarneq ajuleqqasut
Aalisartut marluk umiatsiaaqqaminni Sisimiut kitaani 10 sømilip missaannik, tassa 20 kilometerit missaannik ungasitsigisumi ippassaq nikinneq ajulerput. Taakkumi sikumit unguneqarsimapput ingerlariaqqissinnaanatillu.
- Kisianni ajunngillat, navianartorsioratillu, Kalaallit Nunaanni Politiit pigaartuisa pisortaat, Carl Sværd oqarpoq.
Taakku sikumit ippassaq ajoraluartumik unguneqarput, pigaartulli pisortaata tamanna qassinorpiaq pisimanersoq ullormut nalunaarusiami takusinnaanngilaa. Pisumili navianartorsiortoqanngimmat annaassiniarnermik aallartitsisoqanngilaq.
Aalisartullu tamatuma saniatigut umiatsiaarartik paariinnarusuppaat, qulimiguulimmiimmi aaneqaraluarunik tamanna qulakkeersinnaanngilaat, umiatsiaararmi imaaniiginnartussaammat. Taamaammat sarfarnera anorilu aniguinissaminnut iluaqutigilersinnaaniarlugu naammagittarlutik utaqqiniaraat, pigaartut pisortaata oqaatigaa.
Pineqartut marluk Aasiaat Radioanut aamma attaveqarput.
