Aalisarnermut inatsisip oqaluuserisassanut ilaannginnera eqqumiigineqartoq
Aviisimi Sermitsiami ullumi saqqummersumi, aalisarnermut inatsit arlalinnit ujartorneqarpoq, taakkununnga ilaavoq Inatsisartut aalisarnermut, piniarnermut nunalerinermullu ataatsimiititaliaani siulittaasoq.
Taanna ateqarpoq Nikolaj Jeremiassen Siumut, aalisarnermut naalakkersuisup Karl-Kristian Krusep parteeqataa.
Aalisarnermut ataatsimiititaliami siulittaasup tullia tassaavoq Ane Hansen Inuit Ataqatigiit, aalisarnermut inatsit ukiormanna naamassineqarsinnaanissaa taassuma qularivaa.
Aalisarnermut naalakkersuisup Karl-Kristian Krusep ukioq manna inaarlugu suliarineqarnissaa neriorsuutigigaluarpaa, Ane Hansen Sermitsiami apersorneqarluni oqarpoq.
Aalisarnermut Naalakkersuisup aviisimi Sermitsiami apersorneqarluni aalajangiusimallugu oqarpoq aalisarnermut inatsit Inatsisartut ataatsimiinneranni saqqummiunneqarnissaa suli siunertarigini.
- Tamassuma ukioq manna naammassinissaa anguniarlugu ilungersorluta sulivugut, massakkullu angumeqqussinnaanera ilimagaarput, Karl-Kristian Kruse aviisimut Sermitsiamut taama oqarpoq.