Assi: Jonas Løvschall-Wedel

Qulaarpaa Aalisarnermik inuussutissarsiutip iluani piginnaanillit amerlanerusut ujartorneqarput

Avataasiortunik ilinniarsimasunik pisariaqartitsineq GE-p annertunerarpaa, imarsiornermillu ilinniartitaanerup iluani ineriartortoqarnera nuannaarutigalugu.

Kalaallit avataasiortut ilinniarsimasut amerlanerusut pisariaqartinneqarput. Sulisitsisut Peqatigiiffiannit taama oqaatigineqarpoq, peqatigisaanillu imarsiornermik ilinniartitaanerup ineriartorfiulluarnera nuannaarutigineqarpoq.

- Ilinniartitaaneq soorunami immikkut aallunneqartariaqarpoq, maannamullu pitsaasumik angusaqarfiusimasut ilagaat Imarsiornermik Ilinniarfiup naalaganngorniarnermut ilinniarfiata Nuummut nuunneqarnera. Maannami pisoqarfiullualerpoq.

- Ilinniartitaaneq aaqqissuulluarneqarpoq ilinniakkallu assigiinngitsut aallunneqarlualerlutik, GE-mi siunnersorti, Bent Sørensen, taama oqarpoq.

Naammassiniagassat periarfissallu angisuut

Aalisarnermi tamarmi, umiatsiaararsorluni aalisarnerup avataasiorlunilu aalisarnerup iluanni piginnaanngorsaasoqarnissaanik pisariaqartitsisoqarnera tikkuarpaa, taamaaliornikkut kinguaariinnik nikittoqarsinnaanissaa anguneqarsinnaassammat.

Aamma atuaruk Inassutigineqartut aalisarnerup iluani malinneqanngillat

Piginnaasammi pisariaqartinneqartut pigaanni aningaasarsiorluarnissamut periarfissaqarnerarpaa.

- Aalisarnerup iluani suliffinnut tamanut tunngatillugu naammassiniagassat annertuupilussuupput. Pingaartumillu avataasiorluni aalisarnerup iluani kalaallinik sulisussanik pisariaqartitsisoqarpoq. Sulisut akissarsiaqqortuut nunatta aningaasaqarneranut pitsaalluinnartumik tapertaasinnaapput, Bent Sørensen, GE-meersoq taama oqarpoq.

Isummersuutit


 

Pages