Aalisarneq pillugu Ataatsimiititaliarsuaq Ilulissani innuttaasunik ataatsimiititsilerpoq
Aalisarneq pillugu ataatsimiititaliarsuaq, Nuummi innuttaasunut decembarimi ataatsimiititsisoq, maanna aamma Ilulissialerpoq.
Aalisarneq pillugu Ataatsimiititaliarsuaq
Ataatsimiititaliarsuaq aalisarneq pillugu inatsisissamut nutaamut aamma inassuteqaateqartussaavoq, tassani aalisakkanik pisuussutit ataatsimut pigisagut inuiaqatigiinni annertunerpaamik pissarsissutigineqarnissaat qulakkeerneqassaaq.
- Ataatsimiititaliarsuaq aalisarnermik inuussutissarsiuteqarnermi periarfissat ajornartorsiutillu pillugit oqallitsitserusuppoq, nunallu immikkoortuani soqutiginnittut tamarmik ataatsimiititaliarsuarmik oqalliseqateqarnissamut maannakkut periarfissinneqarput, ataatsimiitaliarsuaq tusagassiuutinut taama nalunaaruteqarluni allappoq.
AAMMA ATUARUK Medlemmerne af fiskerikommissionen er fundet
Ataatsimiititaliarsuaq Ilulissani innuttaasunik ataatsimiititsinermi sulinini pillugu ilisimatitsissaaq Qeqertarsuullu Tunuani aalisarneq aamma sammineqassalluni.
Ataatsimiititaliarsuup oqallisissiaq 'Aalisagaativut – atugarissaarnerput' ilaatigut siunissami aalisarneq pillugu politikkissamut inassuteqaataagallartunik arlalinnik imaqartoq aallavigalugu saqqummiussisaaq.
Ilulissani innuttaasunik ataasimiititsineq kulturikkut illorsuarmi Sermermiuni marlunngornermi februaarip 18-ani nalunaaqutaq 19.00 ingerlanneqasaaq.