Aalisarneq ingerlalluartoq
Aalisarneq siumut ingerlavoq. Saarullit, kinguppaat qalerallillu tunineqartut amerlanerupput. Saarullinnik tunisaqarneq pingaartumik ingerlalluarpoq.
Saarulliit 2016-imi qaammatini arfineq-marlunni pisarineqarsimasut 20.336 tonsiupput. Ukiorlu kingulleq piffissap taamaalinerani 15.148 tonsiinnaasimallutik. Ukiunilu kingullerni pisarineqartartut misissoraanni ingerlalluarnerujussuaq takuneqarsinnaavoq, 2013-imimi juulip qaammataata tungaanut saarulliit aalisarneqarsimasut taamaallaat 6422 tonsiusimapput.
Tunisaqarnermili ingerlalluarneq saarullinniinnaanngilaq. Qalerallimmi kinguppaallu tunineqartut aamma amerlanerupput.
2016-imi kinguppaat 23.784 tonsit tunineqarput, 2015-imilu 19.153 tonsiinnaallutik.
Qalerallillu tunineqartut ukioq manna 19.250 tonsiupput, ukiorlu kingulleq 15.272 tonsiullutik.
Qaleralinnik kinguppannillu 2015-imi tunisaqarneq 2014-imi tunisanut sanilliullugit appariarsimavoq. Kinguppaallu 2014-imi tunineqarsimasut amerlassusaat suli angoqqinngilaat, qaleralinnilli tunisaqarnerup 2014-imi tunisat qaangerpai.