Aalborgimi sulisut akornanni sulinermik unitsitsigallartut

Umiarsuaatileqatigiiffiup sulisut aqagu suliartoqqinnissaat naatsorsuutigaa.
Umiarsuaatileqatigiiffiup sulisut sulinerminnik unitsitsigallartut marlunngornermi ataatsimeeqatiginiarpai. Royal Line Linep sulisut marlunngornermi sulileqqinnissaat naatsorsuutigaa. Assi © : Royal ArcticLine
Allattoq Malik Brøns, Bikki P. Kleist
novembarip 18-at 2019 15:11

Royal Arctic Linep Aalborgimi terminaliani quersuanilu sulisut 42-t ullumikkut ataasinngornermi sulinermik unitsitsigallarniarlutik aalajangerput.

Tamanna pissutigalugu nassiussanik Aalborgimi ullumikkut tigusisoqarsinnaananilu tunniussisoqarsinnaanngilaq. Sullitallu tamatumunnga eqqugaasut ilisimatinneqareerlutik.

Royal Arctic Linemi pisortaanerup tullersortaa, Aviâja Lyberth Lennerth oqarpoq sulisut 42-t sulinermik unitsitsigallarsimasut.

- Sulisut sulinerminnik unitsitsigallartut sulinertik pillugu aqagu marlunngornermi ullaakkut ataatsimiissapput, sulinerullu tamatuma kingorna aallarteqqinneqarnissaa umiarsuaatileqatigiiffimmit naatsorsuutigineqarpoq, Royal Arctic Linemi pisortaanerup tullersortaa, Aviâja Lyberth Lennerth oqarpoq

Aalborgimi sulinermik unitsitsigallarneq Kalaallit Nunaanni nassiussanik tunniussinermut tigusinermullu sunniuteqassanngitsoq RAL-ip nittartakkamini allaaseraa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq