Aajuku nuna tamakkerlugu taasinerit

Naalagaaffiup sinniisoqarfiata nassiuppai Folketingimut qinersinermi inernerugallartut. Qinigassanngortittunut ataasiakkaanut taasinerit agguataarnerat takuuk.
Allattoq Noah Mølgaard
septembarip 16-at 2011 06:32

Doris Jakobsen Siumumiit aamma Sara Olsvig Inuit Ataqatigiinneersoq nunarput sinnerlugu qinigaaffimmi aallartittumi Folketingimi ilaasortaalerput.

Sara Olsvig qinersinermi taaguunneqarnersaavo 8.129-nit taaguunneqarsimagami Doris Jakobsen 5.709-nit taaguunneqarsimasoq.

2007-mi Folketingimut qinersinermut sanilliullugu qinersiartortut ikinnerupput ukiut sisamat matuma siorna qinersisinnaasut 64,45 procentii qinersiartormata. Ippassaq qinersinermi qinersisinnaasut 57,4 procentii qinersiartorsimapput.

Qineqqusaartunut ataasiakkaanut taasinerit agguartaarneri aajuku:
1. Sara Olsvig (IA) 8.129 taasinerit
2. Doris Jakobsen (S) 5.709 taasinerit
3. Niels Thomsen (D) 2.055 taasinerit
4. Vittus Qujaukitsoq (S) 1.317 taasinerit
5. Steen Lynge (A) 870 taasinerit
6. Nick Nielsen (S) 800 taasinerit
7. Johan Lund Olsen (IA) 680 taasinerit
8. Akitsinnguaq Olsen (S) 464 taarsinerit
9. Sofia Rossen (IA) 427 taasinerit
10. Hans Lyberth (A) 313 taasinerit
11. Aviaaja Karlshøj Poulsen (D) 306 taasinerit
12. Knud Kristiansen (A) 256 taasinerit
13. Nikoline Ziemer (IA) 240 taasinerit
14. Arnannguaq Blytmann (A) 183 taasinerit
15. Michael Rosing (D) 168 taasinerit
16. Ane Lone Bagger (D) 138 taasinerit

Aajuku taasinerit partiinut agguataarneri:
Inuit Ataqatigiit 9.780 taasinerit
Siumut 8.499 taasinerit
Demokraatit 2.882 taasinerit
Atassut 1.728 taasinerit