Politikki

Aaja Kujataani angalalersoq

Folketingimut ilassortap Inuit Ataqatigiinneersup Aaja Chemnitz Larsenip paasisassarsiorluni sapaatit akunneranni uani angalanermini Paamiut, Arsuk, Nanortalik aamma Qaqortoq tikissavai.

Allattoq Helle Nørrelund Sørensen

juunip 04-at 2018 11:05

Nutserisoq Simon Uldum

Inuit Ataqatigiinneersup Folketingimi sulinini oqaluttuarissavaa, aamma suliassaqarfiit Folketingimi eqqartorneqartut Kujataani innuttaasunut sunniuteqartut pillugit paasissutissanik katersiniarpoq.

- Politikkimi nunatsinni innuttaasut pineqarput, Christiansborgimilu aalajangersarneqartut inuit inuunerannut toqqaannartumik sunniuteqartarput, Aaja Chemnitz Larsen oqarpoq.

Paasisassarsiorlunu angalaneq marlunngorpat aallartissaaq soqutiginnittunullu tamanut innuttaasunik ataatsimiititsisoqartassaaq.

Innuttaasunik ataatsimiititsinerit:

Arsuk: Juunip arfernani nal. 19 Arsuup atuarfiani

Paamiut: Juunip arfineq-aappaani nal. 19 Majoriami

Nanortalik: Juunip qulingiluaani nal. 19 Nanortallip Atuarfiani

Aaja Chemnitz Larsenip facebookimi quppernerani aamma paasisaqarnerusinnaavutit.