Albine Petersenip meeraanerminni misileraataasut nerisassiuuttarsimagai

Danmarkip naalagaaffiata meeqqat kalaallit 22-t ilaqutaminnit avissaartitaallutik 1951-imi Danmarkiliartitaanertut marlunngormat utoqqatserfigai.

Meeqqat taakkua danskit oqaasiinik kulturiannillu ilinniarteriarlugit nunatsinni kingulliarsunnut maligassiuisuujartortillugit angerlarnissaat siunertaasimavoq.

Naluneqanngitsutulli taama pisoqanngilaq.

Taamani meeqqani arfinillit ullumi inuupput.

Meerarpassuit nerisassiuuttarsimagai

Meeqqat nunatsinnut uteramik amerlanersaat ilaquttaminnut uteqqinngisaannarput. Danmarkimeereernerminni Nuummi meeqqat angerlarsimaffiannut inissinneqarput - aamma naak nunatsinni angajoqqaaqaraluarlutik. Ilitsoqqussaralugit oqaatsitik annaavaat kalaallisullu oqaloqqissinnaanatik. 

Meeqqat oqaatsitik puijorpaat, inuuniarnikkullu ajornartorsiuteqalerlutik.

89-inik ukiulik Albine Petersen meeqqat angerlarsimaffinni taamani iggavimmiuuvoq.

- Tassa uanga taakku meeqqat meerannguunneranniit ilisimasarigakkit, arlaqartut Maniitsuminngaanneertuupput, Maniitsullu eqqaaninngannerlutik. Allaallu ilaatigut uagut ilaqutatta kinguaavisa ilaagaat. Atii aamma eqqaamavakka. Inuttailu takorloorsinnaavakka, Maniitsormiu, Nuummut nuunneq Albine Petersen oqarpoq, nangillunilu:

AAMMA ATUARUK Udredning: Eksperimentet var ude af kontrol og gav dybe, menneskelige sår

- Meeqqat pitsaasuupput, asanartut, qanilaartut, maniguuttut aamma pikkorissut. Kisianni siuliminninngaanniit soorlu nusutat, taamatut takorloortarpakka.

Ulloq unnuarlu paaqqinnittarfimmi ukiorpassuit sulinermini nuannersuinnarnik eqqaamasaqarpoq.

Meeqqallu iggassimasami ilaat imannak eqqaamasaqarfigaa.

- Taakkua meeqqat nuannersortai kisiisa eqqaamasaqarfigaakka. Gudmanimik atilik utaqqiuartarparpoq, Kuulumaat utaqqiuartaratsigu isukunnguanik tunisaratsigu. "Isukunnguanik pisinnaavugut?, Iffiap isukuanik pisinnaavugut?" Nuannertarpoq, qungujunngitsoorfiuneq ajorpoq. "Piniaritsi qaqqulaagassassinnik", Albine Petersen oqarpoq.

Meeraanerminni misiliutaasut kinaassusiiagaaneq misigivaat, pineqartunullu kingunerlunnera ullumikkut imaannaasimanngitsoq, qulaajaaqataasoq Daniel Thorleifsen KNR-imut oqarpoq.

Albine Petersenillu meeqqat eqqaamalluarpai, danskillu naalagaaffiata meeqqanut misiliutaasunut utoqqatsernera tassunga pingaartorsiutigaa.

- Nuannaarutigeqaara killitsissutigeqalugulu.

- Soorunami taakkuulluni tuppallernassaqaaq soorlu uanga tuppallertorujussuusunga. Suli uumatillunga paasivara tupinnanngitsumik utoqqatserfigineqartut. Tupinginngilara aamma killissutigalugu nuannaarutigimmassuk, Albine Petersen nuannaaqaluni oqarpoq.