Arfineq marlunnik ukiulik misissuiffimmit nutaamik amilersittoq
Ilisimatuut ameq nukappiaqqap sananeqaataanit pilersippaat. Nukappiaraq amermigut taarsersorneqannginnermini, nappaatiminit toqungajassimavoq, nutaamillu amilersereernermini peqqissorujussuanngorluni. (Nukappiaqqap katsorsarneqarnera ilanngutassiami Videnskab.dk-mi takujuk - assit sakkortummata aarlerisaarutigissavarput)
Ilisimatuut nakorsallu inuunermik annaassinermik kinguneqartumik katsorsaasut naapertorlugit nukappiaqqamut katsorsaatigineqartoq napparsimasorpassuarnit iluaqutigineqassaaq.
- Katsorsaanermi matumani inernerineqartoq, epidermolysis bullosamik nappaateqartunut allanut atorneqarsinnaalissaaq. Sananeqaatinut geninullu katsorsaanermik sinaakkutissamik suliaqarpugut, ilisimatuussutsimut nutaamut allattooqqaartoq, Universitätsklinikum der Ruhr-Universität Bochumimi, Tysklandimiittumi nakorsaq, Tobias Hirsch ilimatuutut allatigisami allattoq Videnskab.dk allappoq.
Nakorsaatilerinermi ilisimaneqalertoq pillugu ilisimatusarnermut atuagassiami Naturemi saqqummersinneqarpoq.