630 koruuninik akilerneqarluni Jong-namimik toqutsisoq

Arnaq Indonesiamiu Korea Avannarliup siuttuata qatanngutaanik Kim Jong-namimik 630 koruuninik akilerneqarluni toqutsisimasoq, Indonesiap Malaysiami aallartitaa, Norskit nutaarsiassaqartitsiviat naapertorlugu, paasissutissiivoq.

Toqutsineq Malaysiap illoqarfiisa pingaarnersaata Kuala Lumpurip timmisartoqarfissuani pivoq.

Korea Avannarliup siuttuata affarmik qatanngutaanik toqutsinermut atatillugu arnat marluk toqutsisutut pasisaapput inuillu allat, Korea Avannarlermeersut, tassunga attuumassuteqarlutik.
 

Arnaq aallakaatitassiami peqataasoraluni Kim Jong-namimik toqutsisoq, Malaysiap politiivisa oqaatigaat.

Sianiutinut toqunartoq ulorianarluinnartoq, VX-imik taaneqartartoq, toqutaasup Kim Jong-namip timaani nassaarineqarsimavoq. Arnat marluullutik toqunartoq Jong-namimut tagiartoraat, videokkut takuneqarsinnaasimavoq.

Sianiutinut toqunartup sinnikui angutip Korea Avannarlermeersup, Malaysiami illoqarfiit pingaarnersaanni Kuala Lumpurimi timmisartoqarfissuarmi sapaatit-akunnerata siuliani toqutaasup, isaanit kiinaanillu misiligutissatut tiguneqartuni nassaarineqarput. 

/ritzau/