428-t coronamik tunillanneqarsimasutut siumorneqartut

Danmarkimi coronavirusimik tunillanneqarsimasutut nalunaaquttap akunnerini kingullerni 24-ni siumorneqartut katillutik 428-upput.

Naalagaaffiup Nappaatinut Akiuussutissaliorfiata, Statens Serum Institutip, ullormut nalunaarsugaani tamanna takuneqarsinnaavoq.

Tunillanneqarsimasutut siumorneqartut inuit 128.269-it misissorneqarneranni nassaarineqarput. Allatulluunniit oqaatigalugu: Misissorneqarsimasut 0,33 procentii tunillanneqarsimasutut nalunaarsorneqarsimapput.

Misissorneqarsimasut akornanni 0,33 procentit tunillanneqarsimasutut paasineqarnerisigut qaammatip kingulliup ingerlanerani misissorneqarsimasut akornanni 1 procenti ataallugu tunillanneqarsimasutut siumorneqarsimapput.

AAMMA ATUARUK SSI: Coronavirusit ilaat Tuluit Nunaanneersoq tuniluuppiarunnaarallarpoq

Statens Serum Insitutip nalunaarsugai PCR-testimeersuupput. Tassa vatpindi atorlugu toqqusaakkut misissuinerneersuullutik, ullullu marluk iluanni akissutisisoqakkajulluni.

Virusit ilaata B117-ip siaruaakkiartornera oqartussat misissuineranni immikkut alaatsinaanneqarpoq.

Tunillanneqarsimasut akornanni 28,5 procentii virusimik B117-imik tunillanneqarsimasut, Statens Serum Institutip februaarimi sapaatit-akunnera siullermi misissuinerata takutippaa.