SSI: Coronavirusit ilaat Tuluit Nunaanneersoq tuniluuppiarunnaarallarpoq

Killilersuinerit coronavirusit ilaata tunillaassuunnerusup tuniluuppiarunnaarneranut peqqutaaqataasimasinnaapput.
B117-immi tuniluunnerunissaa aarleqqutigineqarmat killilersuinerit ukiortaami sukaterneqarput. Soorlu inuit qulit ataatsimoorsinnaatitaagaluartut, taakkua tallimanit amerlaneroqqusaajunnaarput. Assi © : Henning Bagger/Ritzau Scanpix
Allattoq Ritzau
februaarip 10-at 2021 12:26
Nutserisoq Marie Kûitse Kristensen

Tunillanneqarsimasut aatsuisinnaanerat 0,99-inngorsimammat coronavirusit ilaat B117 Tuluit Nunaanni tuniluutileqqaartoq Danmarkimi tuniluuppiarunnaarpoq.

Statens Serum Institut (SSI) taama ilimatitsivoq.

- Coronavirusit ilaat B117 sapaatit akunnerata siulianili tuniluuppiarunnaartoq maluginiarneqarpoq.- Tassa imaappoq, B117-ip tuniluutilertoqqissangangatinneqanngikkallarpoq, tamannalu februaarip aallaqqaataanit killilersuisoqarneranik tunillanneqarsimasullu attavigisimasaannik paasiniaaqqissaartoqartalerneranik peqquteqarataannaasoq, SSI allappoq.

AAMMA ATUARUK Danmarkimi tunillatsittut tunillattagaat ikilisut – tulunniilli allanngortoq ilungersunartoq

Tuniluutilertoqqilerataannaammalli mianersuunneqartariaqartoq, SSI erseqqissaavoq.

- Tuniluuppiarunnaartutut oqaatigissallugu siusippallaarpoq, SSI ilisimatitsivoq.

B117-immi tuniluunnerunissaa aarleqqutigineqarmat killilersuinerit ukiortaami sukaterneqarput. Soorlu inuit qulit ataatsimoorsinnaatitaagaluartut, taakkua tallimanit amerlaneroqqusaajunnaarput.

Aamma atuaruk