Ilaqutariit 400-it sulinngiffeqarlutik angalanissartik iluatsippaat
Ilaqutariit 403-t angalanissamut makitaapput. Sulinermimmi Inuussutissarsiuteqartut Kattuffiata Sulinngiffeqarnermut Aningaasaateqarfiata 2018-imi sulinngiffeqarluni angalanissanut 8,2 millionit koruunit aningaasaliissutigai.
Allattoq Mads Lynge
oktobarip 20-at 2017 08:29
SIK tusagassiutinut taama nalunaaruteqarpoq.
Ilaqutariit makinneqartut 403-t Nunatsinni sumiiffiit ilaannut Danmarkimulluunniit aappaagu angalanissaminnut makinneqarput, SIK-llu Sulinngiffeqarluni Angalanermut Aningaasaateqarfianut qinnuteqarsimasut tamarmik akissutisiassaat allakkerisarfikkut sapaatip-akunnerata massuma ingerlanerani nassiussorneqassalutik.
Nuummi sulisut sinniisaat sisamat makitsisuupput, Sermersuullu Eqqartuussiviani eqqartuussisunngorniaq Pia Hjort Andersen makitsinermi nakkutilliisutut najuuppoq.
Aningaasaateqarfiup angalanissanut aningaasaliissutai 8,2 millionit koruunit ilaqutariinnut 403-nut agguataaraanni imaappoq ilaqutariit ataatsit agguaqatigiissillugu 20.347 koruuninik aningaasaliiffigineqartut.
