4 millionit koruunit suliniutinut 37-nut tapiissutitut agguaanneqartut

4 millionit koruuningajaat kulturimut suliniutinut assigiinngitsunut 37-nut tapiissutitut agguaanneqarput.

Doris J. Jensen, formand for kulturudvalget, opfordrer Naalakkersuisut til at nedsætte en arbejdsgruppe, der skal se på KNR's fremtid.

Allattoq Inge S. Rasmussen

apriilip 22-at 2017 13:44

Nutserisoq Mads Lynge

Kulturimut ukioq manna 2017-imi aningaasaliissutit siulliit agguaanneqarput. Naalakkersuisut nittartagaanni tamanna atuarneqarsinnaavoq.

Aningaasat katillugit 3.950.373 koruunit 2017-imi siullermeertumik qinnuteqaateqartitsinermut atatillugu suliniutinut assigiinngitsunut 37-nut tapiissutitut agguaanneqarput, Ilinniartitaanermut, Kultureqarnermut, Ilisimatusarnermut Ilageeqarnermullu naalakkersuisumit Doris Jakobsenimit agguaanneqarlutik.

Suliniutit assigiinngitsut arfinillit Kultureqarnermut aningaasanit katillugit 1.069.008 koruuninik tapiissuteqartoqarpoq, eqqumiitsulianik saqqummersitsinerit, isiginnaartitsinerit assigisaallu ilaatigut tapiissuteqarfigineqarlutik

Filmiliornermik ingerlataqartunut atuakkiortunullu aamma aningaasaliisoqartoq

Filmiliornermik ingerlataqartunut aamma aningaasaliisoqarpoq, taakkununnga 1.587.793 koruuninik aningaasaliisoqarluni.

Atuakkiat kalaallisut allatat tallimat aamma aningaasaliiffigineqarput, katillugit 479.571 koruunit tapiissutigineqarlutik.

AAMMA ATUARUK Kulturikkut suliniutinut aningaasaliissutit agguaanneqartut

Kulturimik sulialinnut qaammammut agguaanneqartartut 22.000 koruunit eqqumiitsuliornikkut suliaqartunut qulingiluanut taakkua saniatigut agguaanneqassapput.

Kulturimut aningaasaliissutissanut qinnuteqarnissap tullianut piffissaliussaq ulloq kingulleq tassaavoq maajip aallaqqaataat.

4 millionit koruunit suliniutinut 37-nut tapiissutitut agguaanneqartut

Filmiliornermik ingerlataqartunut atuakkiortunullu aamma aningaasaliisoqartoq

Aamma atuaruk