Kulturikkut suliniutinut aningaasaliissutit agguaanneqartut
Aningaasaliissutit Kultureqarnermut naalakkersuisumit Doris Jakobsenimit agguaanneqarput, aningaasaliissutillu aningaasaliiffinniit pingasuniit agguaanneqarput, suliniutinullu katillugit arfinilinnut tunniunneqassallutik.
Kultureqarnermik ingerlataqartunut 504.000 koruunit agguaanneqarput, suliniutinullu katillugit 16-inut tunniunneqassallutik. Eqqumiitsulianik saqqummersitsinerit, isiginnaartitsinerit assigisaallu matussusiivigineqartut Namminersorlutik Oqartussat nalunaarutigaat.
Filmiliornermik ingerlataqartunut 560.000 koruuninik aningaasaliisoqarpoq, matumani suliniutit pingasut aningaasaliiffigineqarlutik.
Atuakkanut kalaallisoortunut assigiinngitsunut arfinilinnut 721.000 koruuninik aamma aningaasaliisoqarpoq.
Inummut ataatsimut aningaasaliinerit annerpaat eqqumiitsuliortumut Julie Edel Hardenbergimut tunniunneqarpoq, taassuma suliniutaa "Amamnese" 237.000 koruuninik aningaasaliiffigineqarami.
Filmiliornermik ingerlatsisup Marc Fussing Rosbachip filmiliaa "Tarratta Nunaanni" 200.000 koruuninik aningaasaliiffigineqarpoq.
Kulturikkut suliniutinut assigiinngitsunut ukioq manna aningaasaliinerit kingullersaraat, qinnuteqarnissamullu tullianut piffissaliussaq ulloq kingulleq tassaavoq februaarip aallaqqaataat 2017.
Namminersorlutik Oqartussat kulturikkut suliniutinut aningaasaliissutaat pillugu paasissutissat Sullissivik.gl-imi takuneqarsinnaapput.
Marc Fussing Rosbachip filmiliassaminut traileriliaa ataani takuuk:
