39-nik ukiulik savimmik kapisisimanini pissutigalugu inissiisarfimmiittussanngorlugu eqqartuunneqartoq

Uummannami politiit siorna decembarimi ataasinngornermi unnukkut angut qungatsimigut kapineqarsimasut pissutigalugu najukkamut orniguteqquneqarput,

Angutit 54-inik ukiulik 39-nillu ukiulik erngunnerup nalaani assortuutilersimapput. 54-inillu ukiulik assortuunnerisa kingunerisaanik qungatsimigut saveeqqamik kapitineqarpoq.

39-nik ukiulik maanna eqqartuunneqarpqo, taannalu toqutseriarsimasutut eqqartuunneqarluni ukiuni pingasuni qaammatinilu arfinilinni pineqaatissinneqarsimasunut inissiisarfimmiittussanngortinneqarpoq.

39-nik ukiullip eqqartuussut tigugaa, politiit tusagassiuutinut nalunaarummi allapput.

AAMMA ATUARUK Angut Uummannami qungatsimigut kapineqartoq: Politiit qimmiata pinerluuteqartoq nassaaraa

Angut erngertumik napparsimmaviliaanneqarpoq aniguillunilu.

Unnerluussisussaatitaasut Qaasuitsumi Eqqartuussiviup aalajangernera ilorrisimaarutigaat.

- Savik atorlugu sakkortuumik pinerluttoqarpoq, pinerliffigineqartorlu saassunneqarnermi kingunerisaanik inuunerminik navianartorsiorsimalluni. Pisup ilungersunarnera tunngavigalugu eqqartuussiviup ukiuni pingasuni qaammatinilu arfinilinni pineqaatissinneqarsimasunut inissiisarfimmiitsitsisoqarnissaanik piumasaqaateqartoqarneranik malinninnera unnerluussisussaatitaasut ilorrisimaarutigaat, unnerluussisussaatitaanermik suliaqartoq, Marutha Thayapharan oqarpoq.

39-nik ukiulik siorna decembarimi tigusaanerminiilli politiinit tigummigallagaasimavoq.

Taanna inissiisarfimmiittussanngortinneqarnermi saniatigut angummut 54-inik ukiulimmut 20.000 koruuninik akiliisussanngortinneqarpoq.