Nigeriami niviarsiaqqat atuartut 279-it aallarussaasimasut iperagaasut
Nigeriami niviarsiaqqat atuartut 279-it sapaatit akunnerata siuliani aallarussaasut marlunngornermi ullaakkut iperagaapput.
Nigeriap avannarpasissuani naalagaaffiup Zamfarap guvernøria taama ilisimatitsisoq, nutaarsiassaqartitsivik Ritzau allappoq.
- Niviarsiaqqat aniguisimasut nalunaarutigisinnaagakku nuannaarutigaara. Niviarsiaqqat naalakkersuisut allaffeqarfiannut apuuteqqammerput tamarmillu peqqillutillu ajunngillat, guvernøri oqarpoq.
AAMMA ATUARUK Boko Haramikkut Nigeriami atuartunik qimarngussisuunerartut
Niviarsiaqqat taakku angutinit ilisimaneqanngitsunit atuartut najugaqarfianniit sapaatit akunnerata siuliani tallimanngornermi unnuakkut aallarunneqarput.
Nigeriap avannaata kitaani qiterpasisussuanilu pinerlunniaqatigiit aningaasannanniutigalugu ukiuni kingullerni arlaleriaqalutik aallarussisarput.