22-nik ukiulik atoqatigiittunik videolianik siammarterisimasutut pinngitsuutinneqartoq
Angutip inuusuttup Lyngbymi Eqqartuussivimmit pinerloqqissagaluaruni ulluni qulini parnaarusassanngortinneqarnera taamaalilluni atortussaajunnaarsinneqarpoq.
Taarsiullugu angut inuusuttoq kannguttaatsuliorfiginnissimasutut pineqaatissinneqarpoq tassungalu atatillugu 2500 koruuninik akiligassinneqarluni.
Landsrettip eqqartuussummik atorunnaarsitsineratigut angutip 22-nik ukiullip meeqqanik pornolianik siammarterisimasutut pineqaatissinneqarsimanermi meeqqanik pinerliisimannginnermut uppernarsaatimini allaqqanissaa pinngitsoortippaa.
AAMMA ATUARUK Kalaaleq meeqqanik atoqatiginnittunik siammarterisimasutut unnerluunneqartoq
Tallimanngormat eqqartuussisoqarnerani, inuusuttut 1000-it missaanniittut atoqatigiittunik videolianik marlunnik Facebookikkut siammarterisimasutut unnerluutigineqarnerat pillugu suliami, eqqartuussummik suliareqqitassanngortitsinerit siullersaat Østre Landsrettimit aalajangiiffigineqarpoq.
Suliami pineqartumi eqqartuussut alla Venstre Landsrettimit marsip qaammataata naanerani aamma allanngortinneqarpoq.
Nunatsinni innuttaasoq ataaseq aamma suliami unnerluutigineqarpoq, taassumali eqqartuunneqarnissaanut Danmarkimi eqqartuussivinni suliat qanoq inerneqarnissaat utaqqineqarpoq.
AAMMA ATUARUK Inuusuttorpassuit pornomik meeqqanik inuttalimmik siammarterisimasutut unnerluutigineqartut
