2018-imut aningaasanut inatsit naammassisoq
Nutartigaq 17:27: Assit Aqqaluaq B. Egedep facebookkikkut qupperneratigut saqqummersinneqartut peerneqareerput.
Partiit naalakkersuisuutitaqartut Siumut, Inuit Ataqatigiit Partii Nalerarlu aappaagumut aningaasanut inatsimmut isumaqatigiissuteqarput.
Partiit isumaqatigiissutiminni suut salliutinneraat suli erseqqinngilaq.
Aningaasanut inatsisip Inatsisartunit pingajussaaneerneqarnissaa novembarip ulluisa 16-iannit 20-annut kinguartinneqarpoq. Aningaasanulli inatsisissatut siunnersuutip naammattunit taperserneqarnissaa Naalakkersuisut qulakkeerpaat.
Assinik aningaasaqanermut naalakkersuisup, Aqqaluaq B. Egedep facebookkikkut qupperneranut ikkussisoqarpoq. Taakkunani Partii Naleqqameersoq Per Rosing-Petersen, Siumumeersoq, Jens Immanuelsen, Inuit Ataqatigiinneersorlu Bendt B. Kristiansen isumaqatigiissummik atsiorpasittut takuneqarsinnaavoq.
Partiit naalakkersuisuutitaqartut aningaasanut inatsit pillugu isumaqatigiissuteqarsimasut, tusarfiup isumaqatiginninniarnernut ilisimasallip KNR-imut uppernarsarpaa.
AAMMA ATUARUK Sinneqartooruteqarnermit amigartooruteqarninngortoq
AAMMA ATUARUK Aaqqissuusseqqinnerit suli akuersissutigineqanngitsut millionilikkaanik tapertaasut