17-nik ukiulik Rigshospitaliliaanneqartoq: Sakkortusaavimmi qupinnguallattoq

Nukappiaraq 17-nik ukiulik qupinnguallarujussuarmat sisamanngormat pinasuartumik Rigshospitaliliaanneqarpoq.

Taama Kalaallit Nunaanni Politiit nalunaarput.

Ajutoornerlu tamanna sisamanngormat ullaap tungaani qulinut nalunaarutigineqarpoq.

Nukappiaraq Nuummi mittarfiup eqqaani sakkortusaaviullu eqqaani ungalup tunuani nassaarineqarpoq.

- Ajutoornermik peqquteqarsimagunarpoq, torersumilli qulakkeertariaqarparput, pigaartut aqutsisuat Peter Bauer oqarpoq.

Taanna aamma oqarpoq, politiit nukappiaqqamik oqaloqateqarsinnaasimanngitsut.

- Nammineq nassuiaanissaa pingaaruteqarpoq, taanna nassuiaavoq.

Politiit suli paasilluanngilaat, nukappiaraq qanoq ililluni ungalut tunuanut pisimanersoq, aammalu allanik ilaqarsimanersoq.

Nukappiaraq 17-nik ukiulik Københavnimut Rigshospitaliliaatinnginnerani Nuummi Dronning Ingridip Napparsimavianukaanneqaqqaarpoq. Qanorli maanna innersoq KNR-p ilisimanngilaa, Rigshospitalimiit uninngasut pillugit oqaaseqartoqarsinnaanngimmat.