11 millionit koruunit ilisimatusarnermut
- Aningaasaliissutinik pissarsiniarneq imaannaanngitsuuvoq, tassami qinnuteqartunit 42-usunit piukkunnartorpassuarnik toqqagassaqaraluaratta. Qinnuteqartut ilinniarsimasamikkut piginnaasaat kisiisa isiginiarnagit, kisiannili aamma suliniutiginiakkap Nunatsinni piginnaanngorsaanikkut kiisalu nunatsinni Danmarkimilu ilisimatusarnikkut suleqatigiinnerunissamut tapertaalluarnisaa isiginiarsimavarputtaaq, Nunatsinni ilisimatusarnermut siunnersuisoqatigiit siulittaasuat, Daniel Thorleifsen, oqarpoq.
Aningaasaliissutit ilisimatusaatinut assigiinngitsunut tamanut tapiissutigineqarput:
Taamaalilluni tingulluutip Hepatitis B-p nunatsinni sooq taama atugaatigineranik ilisimatusaateqarnissamut, aamma naak nappaammut tassunga malittaasartullusooq nappaatit allat soorlu tingukkut kræfteqalersarneq aamma tinguup suliunnaartarneranut tunngasut sooq taama atugaanngitsiginersut missuiffigineqassapput. Immap sikuata immallu kissassusiata nillissusiatalu ukiuni 10.000-ni kingullerni nikerarsimanerat, aamma misissuiffigineqassapput.
Appaqarfiit misissuiffigineqassapput taamaalilluni tamakku illersorneqarnissaat aallartinneqarniassammat. Taakkua saniatigut misissuinissamut qinnuteqaatit allat pingasut aamma aningaasaliiffigineqarput.
Namminersorlutik Oqartussat ilisimatusarnernut aningaasaliissutigisartagaanit tapersiisoqarpoq, aamma Danmarkimi aningaasanut inatsisitigoortumik Issittumi ilisimatusarnernut aningaasaliissutaasartunit aningaasaliisoqarluni.