ACR GM-imit Europamilu unammisunit unammillerneqartoq

Arctic Circle Racemut tapersersorneqaleraluttuinnartumut peqataaniarlutik takkuttut 106-iupput. Ukioq mannali unamminissaq nunatsinni Europamilu sisorarnermik unamminernit unammillerneqarsimasoq, ACR-ip siulittaasua oqarpoq.

Allattoq Anton Gundersen Lihn

marsip 23-at 2018 09:56

Sisimiuni 160 kilometerisut isorartutigisumut ujakkaarluni Arctic Circle Raceqartarnera nalinginnaasumik soqutigineqarluarpoq.

- Ukiuni kingullerni tallimani amerliartuinaraluarput. Ukioq mannaanngitsorli.

ACR-ip siulittaasua, Jens Klaus Lennert oqarpoq.

Ukioq manna ujakkaarnermi unamminerit nunatsinni nunanilu allani pisut ukioq manna Arctic Circle Racemi peqataaniartut amerlassusaannut sunniuteqarput.

- Ujakkaarnermi nunatsinni pissartanngorniuunnerit maannalu pisussaq imminut qanittuararsuupput. Ukioq mannalu poorskip pinissaa siusinnerummat, ACR-eqarnissaa siusinnerutinneqarpoq. Europamilu unammiuaarit amerlasuut suli naammassineqanngillat. Taamaammat ukioq manna ikilieriarneri malugisinnaavarput.

AAMMA ATUARUK ACR peqataasussanut 106-inut piareertoq

Ukioq manna Arctic Circle Racemut peqataaniaratit aalajangersimasut Akissarsiutigalugu sisorartartunik timigissartartunillu ilaqarput, Jens Klaus Lennert oqarpoq.

Europami timigissartartunut unammiuaarnerit suli ingerlanneqartoq arlaqarput. Immaqa oqarutta akissarsiutigalugu sisorartartut timigissartartullu ACR-mut peqataanngitsut amerlaqatigiillutik.

ACR GM-imit Europamilu unammisunit unammillerneqartoq

Aamma atuaruk