Nunat allamiut 7000-t Gazamiit aallarniarlutik utaqqisut

Nunat allamiut Gazap killeqarfiani Egyptenimi Rafah-koorlutik aallarniarlutik utaqqisut inuit 7.000-upput, tyskit nutaarsiassaqartitsiviat dpa Egyptenimi nunanut allanut ministereqarfik issuarlugu allaaserinnippoq.

Amerikami nunanut allanut ministereqarfik tusarfigereerlugu Amerikami tv-qarfik CNN nalunaarpoq qimaaniartut 5.000-it 7.000-illu akornanniittut.

Gazami pisut allanngoraannavimmata kisitsit allanngorsinnaanerarpaat.

Nunat allamiut 7.000-t nunanit assigiinngitsunit 60-ineersuusut Egyptenimit nalunaarutigineqarpoq.

Oqaatigiuminaapporli nunat allamiunik taasat palæstinamiortaqarnersut - palæstinamiut nunami allami nunasisimasut. Oqaatigineqarsinnaanngikkallartorlu tassaavoq nunat allamiut qassit Gazamiiginnarallarniarnersut.

Gszamut sakkuaannerit oktobarip arfineq-aappaanni aallartimmata inuit 1.400-t inuartarinqarput, allallu 200-t sallunaveeqqutitut tigusaallutik. Israelimi oqartussat taama nalunaarput.