Egyptenip Gazallu killeqarfiat aqqunartitersimasunut nunanillu allaneersunut ammaanneqartoq
Qatarip Egypten, Israel aamma Hamas isumaqatigiissuteqarnissaat isumagaa.
Egyptenip Gazamut sineriak ammassavaa - akersuunnerni aqqunartitersimasut nunanillu allaneersut ikiorserneqarsinnaaniassammata. BBC Reutersilu taama allapput.
Nunami allamiut Gazamiittut siulliit ullumi pingasunngornermi Gaza qimassagaat, Egyptenimi atorfilik ilisimatitsivoq.
Isumaqatigiissut USA suleqatigalugu ataqatigiissaarneqarpoq, ilaatigut nunami allamiusut passillit qimaaniartut Egyptenikkoorsinnaanerannik ammaassilluni.
Killeqarfiup ilaa qimaasunut qanoq sivisutigisumik ammatinneqassanersoq suli nalunarpoq.
Gazami tigusat imaluunniit sakkuaakkunnaarallarnissat isumaqatigiissummi pineqanngillat.
Ikiuunnissat allat aamma pineqanngillat. Soorlu nunarsuarmioqataasut ikiuiniutaat - inuussutissat, imeq, orsussat nakorsaatillu nunap immikkoortuani amigaataagaluaqisut suli eqqussuunniarnerat ajornartorsiutaavoq.
Sallunaveeqqutitut tigusatik 200-t sinneqartut qanittukkut iperagaajumaartut, Hamasimit isumaqatigiinniartitsisunut oqaatigineqarpoq. Hamasimiit oqaaseqartitaq videoliakkut internetikkut inuit attaveqatigiittarfiatigut Telegram-ikkut saqqumersukkut taama oqarpoq.
